Tuesday 14 July 2015

La vouaix dgêpe et juque sus l'êtente du chant

Né v'chîn la poésie d'aniet, tch'appathaît ichîn pouor la preunmié fais, d'not' auteu du mais, Geraint Jennings:

Here's today's previously unpublished poem by our author of the month, Geraint Jennings:

La vouaix dgêpe et juque sus l'êtente du chant;
eune lamentâtion d'mouossons et mîngnonnes;
les néthes notes mâtent - un fliotchet d'cormouothans -
et châque blianche note - un oeu qu'les prôneurs ponnent.

La lamentâtion s'craînche dans la chant'tie;
eune plieunme fliotte en l'air coumme ou vole, la vouaix;
la musique s'arreune, en griyant san nid.
I' vente et chante; nou-s'y ouait l'couorlieu d'Mai.

La vouaix veint suthe, ch'est la piaill'lie ès paons,
et radouochit en faîthant coucouroux;
les lèrmes ès vèrsets d'gouttent dans l'ochéan;
les cannards cliouquent et êcliaquent avaû l'dou.

Et quand chutte lamentâtion s'sa ag'vée,
nou ouïtha dans chu silence tout l'ouaîth'lîn,
et sus l'êtente, la note s'sa dêcliévée
et prendra l'avo auve l'aigl'ye et l'aigrîn.

No comments: