Thursday 29 March 2012

Lé Vouêteunme

Né v'chîn un mp3 d'la poésie Lé Vouêteunme par AA Le Gros auve lé texte modèrnîsé et eune vèrsion Angliaîche.
Here's a poem by AA Le Gros in modernised spelling, with an audio version and an English translation.


Lé Vouêteunme
V'là nos paithes et nos poummes
Bein louochies, nos gens;
Janmais dé mémouaithe d'houmme
Avêmes veu d'ité temps.
Ch'est lé Vouêteunme
Tchi fait voler tout coumme la plieunme.

Branque et fielle, en achies,
Font dé l'hèrbe un tapis;
Bein des pots dépichis
Tchaient partout à nos pids.
Ch'est lé Vouêteunme
Tchi fait voler tout coumme la plieunme.

Dé la brise tchi vente
Faut teurtchi ses gliots;
Car si nou n's'en d'mente,
Tout s'en îtha en mios.
Ch'est lé Vouêteunme
Tchi fait voler tout coumme la plieunme.

Y'étha pus d'eune êtchête,
Et not' pus grand sapîn
Veint dé s'câsser la tête
Tout en travèrs du c'mîn.
Ch'est lé Vouêteunme
Tchi fait voler tout coumme la plieunme.

Rein au vent n' êcappe;
Tout s'en va en morcieaux;
I' faut s'mettre à la cape,
Ou j'éthons dé tchi sus l'dos.
Ch'est lé Vouêteunme
Tchi fait voler tout coumme la plieunme.

Y'en a-t-i du saccage,
Et dé tchi ramather;
Y'étha du ramâssage,
Et dé tchi èrpather.
Ch'est lé Vouêteunme
Tchi fait voler tout coumme la plieunme.



The Westerly

There go our pears and our apples
well shaken down, folks,
Never in living memory
have we had such weather.
It's the westerly wind
which makes everything fly like a feather.

Branch and leaf, shower down,
make a carpet of the grass;
lots of pots smashed
fall everywhere at our feet
It's the westerly wind
which makes everything fly like a feather.

With such a breeze blowing,
have to tie down the haystack covers
cos if it's not done
everything will go to pieces
It's the westerly wind
which makes everything fly like a feather.

There'll be more than one felling,
and our largest fir
has just cracked its head
right across the road
It's the westerly wind
which makes everything fly like a feather.

Nothing escapes from the wind
everything goes to bits
one has to take shelter
else we'll get it across our backs
It's the westerly wind
which makes everything fly like a feather.

What ransacking there is!
And how much tying up to be done;
There'll be picking up
and stuff to repair.
It's the westerly wind
which makes everything fly like a feather.

No comments: