Wednesday 29 February 2012

L'Année Bissextile - Leap Year



"L'Année Bissextile" par Livonia:
Another Leap Year poem by Livonia - this one from 1909:

L'anneaie Bissextile

L'anneaie Bissextile tchesque chest qu'oul à fait
Ch'nest pas eun crime, ch'n'est pas eun secret
Ou'l a fait des engagements en veux tu n'en v'là
Et des mariages par ichein et par la
Mais chest par notre petit canton et vaiziné
Que je m'en vais qu'menchi à vos paslé.

Ch'est par le p'tit Jeremie que je m'en vais q'menchi
Tchet au q'menchement de l'anneaie qui s'engagi
Mais y n'tait pas pour la marche et yiavet yieu a allé
Et eun bouan jour y décidi de s'nallait s'marthié
Et de même y n'alli pas vais sa fille longtemps
Car il attendait et ils en a yieu "des présents."

Et pis yia aietout le p'tit fits à Jim Davi
Qui scais aietout tout derniethement engagi
Tchina a fait eun raide bouan choiex
Car sa p'tit hardelle fait du bein a vais
Ou n'a pas d'ordgi et ou n'fait pas d'teurs
Et ou'l a tréjous l'air de si bouanne humeur.

Yia aietout Paul le Grand qu'est comme eun piramide
Il a preins eunne jeune fille qui l'y sca solide
Ch'est yieune des "nice" filles, pas du vaisiné
Ch'est eunne vraie dame nia pas a s'y trompé
Ch'est deuex la sont diversement bein maitchis
Je sis vraiment bein aise qui sçais engagis.

Quand le p'tit Jacque vit tout chouna
Y dis je n'scait pas pièthe que touos ch'est z'la
Mais je n'en veux pas yieunne de dans le canton
Car je veux du bé, du 'nice' du grand et pis du bon
Il a tet yien pour la vais et pour la cherchi
Mais eun bouan jour en Septembre y s'engagi.

Y l'enmni l'aoutre sé à eun examen
Ch'est eunne bein nice fille et qui pathais bein
Y voulait mautré est siens du vaîsiné
Qui yia si bon comme yieues q'nou peut trouvé
Y'en etha pus d'yieunne quetha la pepie
Quand y séthont que Jacque et Marthe sont engagie.

Yia eunne petite veuve du Bétchet est Cats
Qui criyiait d'lavait, mais où ne létha pas
Ou soulait tréjous lis paslé et l'admithé
Mais a tcheu y n'vaut ni a pendre ni a gnie
Ou ne sçait pas tchi ma dithe de li
Depis que ou sçait qu'il est, oui qu'il est engagi.

Ou yian a fait de toutes les villaines sortes
Jusqu'à yianvié des lettres par la poste.
Mais pour yi ni pour pus rouoge que yi
Y ne lus entre tchitons pas sa fille et li.
Il a la fille qu'il aime, et qui lis piais,
Ch'est pour tchi que yi et d'aoutres lus taise a jamais.
Yia étout deux ou trais filles du vaisiné,
Qu'éthais donnait aoutcheunne chose pour l'avait,
Car il est le seul fils et eunne belle position;
Et pis chest eun bein nice, bein nice garçon.

Je pouorais vos en dithe bein d'aoutre, mais "Halte là".
Je prendrais trop de reun dans l'Almanach,
Car yian a ti dans notre petit vaisiné
Des jeunes hardelles en train de lus mathié;
Pas seulement dans notre canton, mais partoute l'isle,
Mais chest la le travas de l'anneaie Bissextile.

No comments: