Eune Bouonne Nouvelle Année

Bouonne nouvelle année, bouonnes gens,
Ieune miyeuthe qué chelle dé d'vant!
Jours sans peine, et nyits sans plieurs;
Porte freumée contre les docteurs;
D'aigrifîns être à l'abri;
Rein à faithe auve lé fôssyi:
V'lo l'heutheuse nouvelle année,
Tchi par nous vos est souhaitée!

Bouonne nouvelle année, bouonnes gens -
Ieune miyeuthe qué chelle dé d'vant!
Hommess à vous, o jannes biautés!
Mios ès coupl'yes d'sappouaintés!
Bouôn travas et bouonne fouaison -
Jouaie et paix dans châque maîson:
V'lo l'heutheuse nouvelle année,
Tchi par nous vos est souhaitée!

Bouonne nouvelle année, bouonnes gens
Ieune miyeuthe qué chelle dé d'vant!
Tchoeu ligi à cause du bein
Qu'ou pouôrrez faithe à plieinne main;
Tant d'pas vèrs Dgieu avanchi
Qué vèrs fôsse allez franchi -
V'lo l'heutheuse nouvelle année,
Tchi par nous vos est souhaitée!

L