Sunday 13 November 2011

Tout chein qué j'veurs chu Noué est té - All I Want For Christmas Is You

MAriah Carey 2005Né v'chîn eune chanson d'Noué "Tout chein qué j'veurs chu Noué est té" - tch'est eune vèrsion Jèrriaise d'eune chanson bein connue d'Mariah Carey.
Here's a Jèrriais version of the lyrics of Mariah Carey's hit "All I Want For Christmas Is You":
Jé n'veurs pon un tas pouor man Noué;
y'a raîque eune chose à d'sither.
Pouor dé mé ch'n'est pon les présents
areunés souos l'arb' dé Noué.
J'veurs raîque té à tan tout seu,
raîque té pouor rêjoui man tchoeu.
V'là tch'est tout m'n espé;
tout chein qué j'veurs chu Noué est té

Jé n'veurs pon un tas pouor man Noué;
y'a raîque eune chose à d'sither.
Pouor dé mé ch'n'est pon les présents
areunés souos l'arb' dé Noué.
J'n'ai pon à croch'ter ma cauche là
là-haut sus l'ais d'ma cheunm'née;
Papa Noué né f'tha pon d'pliaîsi
auve eune jouette lé Jour dé Noué;
j'veurs raîque té à tan tout seu,
raîque té pouor rêjoui man tchoeu.
V'là tch'est tout m'n espé.
Tout chein qué j'veurs chu Noué est té,
man tchoeu.

Jé n'veurs pon un tas pouor man Noué;
ch'n'est pon d'la né tch'est man d'si;
j'm'en vais rester assis au dget
pouor êt' embraichie souos l'dgi ;
jé n'f'thai pon eune liste pouor env'yer
liain au Nord siez Papa Noué;
j'n'm'en vais pon rester à vilyi
pouor ses chèrs enchorchélés.
Ch'est raîque té qué j'veurs à ces sé,
té ichîn acanté mé.
Tchi d'aut' ajouôter?
Tout chein qué j'veurs chu Noué est té,
té.

Toutes les veues sont satchies
et tout est êcliaithi.
Ouïy'-ous les brais et ris
des mousses bein rêjouis?
Épis tout l'monde à chanter
et toutes les clioches à sonner.
Papa Noué, apporte tout chein tch'i' m'faut pouor Noué,
apporte s'i' t'pliaît ma douoche siez mé.

Jé n'veurs pon un tas pouor man Noué;
j'en éthai don tant et pus
à vaie man tchoeu l'avant à mé,
mâté sus lé pas dé m'n us.
J'veurs raîque té à tan tout seu,
raîque té pouor rêjoui man tchoeu.
V'là tch'est tout m'n espé.
Tout chein qué j'veurs chu Noué est té,
té.

Tout chein qué j'veurs chu Noué est té.
Tout chein qué j'veurs chu Noué est té.

No comments: