Thursday 27 January 2011

Jean Dorey 1831-1872

Jean Dorey fut né aniet, l'27 dé Janvyi, en 1831.
Jean Dorey was born on this day in 1831.

Sonnons la Pêle èt les Bachins
Nos v'là à tèrre, enfin, -
Sus not' bieau p'tit Jerri . . . .
Nou nos embrache ichin
Et d'là, nou nos souosri ;
Oui, châqu' phisionomie,
D'nos 'rvès, est tout' rêjouie ! . . .
Sonnons, sonnons la pêle èt les bachins,
Car jé somm's dans notre île ov' nos anmins.

L' A-B-C-D.
(a pangram)
J'crai bain, mon doux, vêsin,
Qu' tout's les lètr's ou savèz ;
D'pis A à Z les v'chin -
Faut vés s' ou les trouv'rèz;
N'ya qu'à 'rgardé
Et y vés kié.

Un Portrèt du Fat
Mousieu l'Fat, d'vant lé bûzard qui l'admire,
pâs' pour aval hardi d'savé;
Es yèrs du mond' sensè, nou peut dire
Qui n'est prins qu'pour yun sans chèrvé.
I n'a pas l'esprit, ch't-espêce dé g'niche,
Dé vais qué d'tous i-l-est l'êbat….
Tch' est qu' chlà fèt? pourvé qu'i sait d'la pliche
Du Roué dé Biri-bia-bia-bia!

Vaincre ou Mouori
Rosiers! Nos enn'mins - êcoutèz bain -
Conspir'nt contr' nous èt jur'nt not' pèrt' ;
Pour 'rgangni ch'qu'i-l-ont perdu d'tèrrain
I nos dêcliâr'nt eun' dgière ouvèrt !
I faut les Vaincre ou Mouori !
Donnons-lus Bacâyou si chêqu'i-l-ôs'nt apréchi !

No comments: